प्रियजनहो, आता हे दुसरे पत्र मी तुम्हांला लिहीत आहे; ह्या दोन्हींमध्ये मी तुम्हांला आठवण देऊन तुमचे निर्मळ मन जागृत करत आहे. (2 पेत्र 3:1)
इस्टर जसजसा जवळ येत आहे, तसतसे आपण येशूच्या पुनरुत्थानाचा आपल्यासाठीं जो हेतू होता त्याविषयी कृतज्ञता आणि आनंद आणि कौतुक आणि अचंबा जागृत करूया. आपल्या पतित स्वभावाचा शाप असा आहे कीं जी गोष्ट आपल्याला कधी रोमांचित करायची ती सामान्य बनत जाते. सत्य परिस्थिती बदललेलीं नाही. आम्हीं बदललो आहों.
बायबलचे अस्तित्व यासाठींच आहे. पेत्र त्याच्या दोन पत्रांविषयीं असें म्हणतो कीं ती “आठवण देऊन” “मन जागृत” करण्याच्या उद्देशाने लिहिलेली आहेत.
ह्यास्तव, आठवण देऊन आपण आपली प्रामाणिक मने जागृत करूया.
येशूला मेलेल्यांतून उठवून देवानें काय साध्य केले? येथें बायबलमधून कांही उत्तरे आहेत.
येशूच्या मृतांतून पुनरुत्थानाच्या द्वारे जिवंत आशा प्राप्त होण्यासाठीं आपल्याला पुन्हा जन्म दिला गेला.
1 पेत्र 1:3: “आपल्या प्रभू येशू ख्रिस्ताचा देव व पिता धन्यवादित असो! जिवंत आशा प्राप्त होण्यासाठीं आणि अविनाशी, निर्मळ व अक्षय वतन मिळण्यासाठीं, त्यानें आपल्या महादयेनुसार येशू ख्रिस्ताच्या मृतांतून पुनरुत्थानाच्या द्वारे आपल्याला पुन्हा जन्म दिला .”
येशूच्या पुनरुत्थानामुळे, त्याला आता तो गौरव मिळाला आहे ज्यासाठीं आपल्याला निर्माण केले होते. तो जसा आहे त्याला तसेंच पाहणे हेच आपले अंतिम प्राक्तन (लक्ष्य) आहे.
1 पेत्र 1:21: “देवानेंच त्याला मेलेल्यांतून उठवून त्याचा गौरव केला.”
जॉन 17:5, 24: “तर आता हे माझ्या पित्या, जग होण्यापूर्वी जो माझा गौरव तुझ्याजवळ होता त्याच्या योगे तू आपणाजवळ माझा गौरव कर. . . . हे माझ्या पित्या, माझी अशी इच्छा आहे कीं, तू जे मला दिले आहेत त्यांनीही जेथे मी आहे तेथें माझ्याजवळ असावे; ह्यासाठीं कीं, जो माझा गौरव तू मला दिला आहेस तो त्यांनी पाहावा; कारण जगाच्या स्थापनेपूर्वी तू माझ्यावर प्रीती केलींस.” मृतांतून उठलेला प्रभु येशू स्वतः तुमची प्रामाणिक मनें नव्याने खोलवर त्याची उपासना करण्यासाठीं व त्याच्याशी एकनिष्ठ राहण्यासाठीं व आनंद करण्यासाठीं जागृत करो आणि चेतवो.