“त्याच्या पूर्णतेतून आपणा सर्वांना कृपेवर कृपा मिळाली आहे.” (योहान 1:16)

मागच्या रविवारी उपासना सभेच्या लगेच पूर्वी, प्रार्थना करणाऱ्या संताची लहान टोळी प्रार्थनेत आपल्या लोकांच्या विश्वासासाठीं, आणि दुहरे शहरांतील मंडळ्यांसाठीं, आणि राष्ट्रांसाठीं लढण्याकरिता परिश्रम करीत होती. एका क्षणी एका व्यक्तीने योहान 1:14,16 चे शब्द घेऊन प्रार्थना केलीं :

शब्द देही झाला व त्यानें आम्हांमध्ये वस्ती केलीं, आणि आम्हीं त्याचा गौरव पाहिला. तो पित्यापासून आलेल्या एकुलत्या एकाचा गौरव असावा असा अनुग्रह व सत्य ह्यांनी परिपूर्ण होता. त्याच्या पूर्णतेतून आपणा सर्वांना कृपेवर कृपा मिळाली आहे.

तो क्षण माझ्यासाठीं जणूकाही एपिफनी अर्थात देवाच्या प्रकटीकरणाचा क्षण होता.  देवानें त्या क्षणी – त्याच्या पूर्णतेतून  “पूर्णता” या शब्दाने पूर्णता वाहून न्यावी असे केले जे माझ्यावरील त्याच्या प्रभावासाठीं असामान्य गोष्ट होती. त्या शब्दाचा खरोखर जो अर्थ आहे त्याचा काही अंश मला जाणावला – ख्रिस्ताची पूर्णता.

मला त्यां शब्दांची काही चमत्कृति जाणवली, होय, मला खरोखर त्याच्या पूर्णतेतून कृपेवर कृपा मिळाली आहे. आणि त्या क्षणी मी कृपेवर कृपा प्राप्त करीत होतो. त्याचवेळी मला जाणवले कीं सर्व दुपार त्याच्या चरणावर बसून – किंवा माझे पवित्र शास्त्र वाचत राहण्यावाचून – दुसरी कुठलीच गोष्ट इतकीं मधूर नाही आणि मला त्याची परिपूर्णता ओसंडून वाहतांना जाणवली.

ह्या परिपूर्णतेचा मजवर इतका प्रभाव का पडला – आणि या क्षणापर्यंत तिचा मजवर असामान्य परिणाम का घडत आहे? त्याची कांही कारणें अशी कीं…

• ज्याच्या परिपूर्णतेद्वारे मी कृपेने चिंब भिजत आहे तो आहे शब्द जो देवासोबत होता आणि तो शब्द देव होता (योहान 1:1-2), म्हणून त्याची परिपूर्णता देवाची परिपूर्णता आहे – दैवीय पूर्णता, अमर्याद पूर्णता;
• हा शब्द देही झाला, आणि म्हणून आम्हांपैकीं एक होता, आणि त्याच्या परिपूर्णतेने आमचा पाठपुरावा करीत होता – ही पूर्णता सुगम आहे;
• जेव्हां हा शब्द मानव रूपात प्रगट झाला, तेव्हां त्याचे गौरव दिसून आले – त्याची पूर्णता गौरवी आहे;
• हा शब्द “पित्यापासून एकुलता एक पुत्र” होता (योहान 1:14) यासाठीं कीं दैवीय पूर्णता केवळ देवाकडूनच नव्हे, तर देवाद्वारे मजपर्यंत पोहोचविली जावी – देवानें त्याची पूर्णता पूरविण्यासाठीं देवदूतास पाठविले नाही तर त्याच्या एकुलत्या एका पुत्रास पाठविले;
• पुत्राची पूर्णता कृपेची परिपूर्णता आहे – मी ह्या परिपूर्णतेत बुडणार नाही पण या परिपूर्णतेद्वारे सर्व प्रकारे आशीर्वादित  होणार आहे;
• ही पूर्णता केवळ कृपेची परिपूर्णता नाही, तर सत्याची परिपूर्णता देखील आहे – सत्याकडे दुर्लक्ष करून खुशामत करण्यासाठीं मला ही कृपा देण्यात येत नाही; तर ही कृपा खडकासारख्या मजबूत वास्तविकतेत मुळावलेली आहे.

तर मग, ख्रिस्ताच्या परिपूर्णतेद्वारे मला आश्चर्य वाटेल आणि मी आनंदाने परिपूर्ण होईन यात काही आश्चर्य आहे का!