“भिऊ नका. कारण तुमची परीक्षा पाहावी आणि त्याचे भय तुमच्यां मनात राहून तुम्हीं पाप करूं नये ह्यासाठीं देव आला आहे.” (निर्गम 20:20)
एक अशी भीती आहे जी गुलाम बनविते आणि आम्हांला देवापासून दूर करते, आणि अशी भीती आहे जी गोड आहे आणि आम्हांला देवाकडें ओढते. मोशेनें एकाविरूद्ध ताकींद दिली आणि त्याच वचनात दुसरीची मागणी केली, निर्गम 20:20: “तेव्हां मोशे लोकांना म्हणाला, “भिऊ नका. कारण तुमची परीक्षा पाहावी आणि त्याचे भय तुमच्यां मनात राहून तुम्हीं पाप करूं नये ह्यासाठीं देव आला आहे.”
अशाप्रकारच्या चांगल्या भीतीचे सर्वात स्पष्ट उदाहरण जे मी कधी पाहिलें आहे ते ती वेळ होती जेव्हां माझ्या मुलांपैकीं एकानें जर्मन शेफर्डच्या डोळ्यात डोळे घालून पाहिलें. आमच्यां मंडळीतील एका कुटुंबास आम्हीं भेट देत होतो. माझा मुलगा कार्स्टेन सुमारे सात वर्षांचा होता. त्यांच्याजवळ एक मोठा कुत्रा होता जो सात वर्षाच्या मुलाच्या डोळ्यात डोळे घालून उभा होता.
तो मित्रभावी होता आणि कार्स्टेनला मित्र बनविण्यात काहीं समस्या नव्हती. पण जेव्हां आम्हीं कार्स्टेनला आम्हीं विसरलेंली काहीं वस्तू आणण्यासाठीं परत कारजवळ पाठविलें, तेव्हां तो धावू लागला, आणि कुत्रा त्याच्या मागे हळूहळू गुरगुरत धावत होता. आणि अर्थातच, यामुळें कार्स्टेन घाबरून गेला. पण मालकानें म्हटलें, “कार्स्टेन, तू चालत का जात नाहींस? लोक त्याच्यापासून पळावे ही गोष्ट कुत्र्याला आवडत नाहीं.”
जर कार्स्टेननें कुत्र्याला मिठी मारली, तर तो मित्रभावी होईल आणि त्याच्या चेहऱ्याला चाटत असें. पण जर तो कुत्र्यापासून पळ काढायचा, तर कुत्रा गुरगुर करूं लागत असें आणि यामुळें कार्स्टेन घाबरून जात असें.
परमेश्वराचे भय धरण्याचा अर्थ काय आहे याचे हे चित्र आहे. देव त्याच्या सामर्थ्यासाठीं पावित्र्यासाठीं आमच्यांमध्यें भीती जागृत करतो, आम्हांला त्याच्यापासून दूर पळविण्यासाठीं नाहीं, पण आम्हांला त्याच्याजवळ ओढण्यासाठीं. देवाला भिण्याचा अर्थ, प्रथमतः, अशा विचाराची भीती कीं आमची सर्वात मोठी सुरक्षा व समाधान म्हणून त्याचा त्याग करून जाणें.
दुसऱ्या शब्दात म्हणायचे झाल्यास, आपण अविश्वासाची भीती बाळगली पाहिजे. देवाच्या चांगुलपणावर विश्वास ठेवण्यास भिऊ नका. रोम 11:20 चा हाच मुद्दा नाहीं का? “बरे, अविश्वासामुळें त्या तोडून टाकण्यात आल्या आणि विश्वासानें तुला स्थिरता आली, तर अहंकार बाळगू नकोस, भीती बाळग.” अर्थात, ज्याची भीती बाळगली पाहिजे ते आहे विश्वास न करणें, विश्वास न बाळगणें. देवापासून दूर पळून जाण्याची भीती. पण जर आपण त्याच्यासोबत चालत असू आणि त्याच्या गळ्याला मिठी मारत असू, तर तो सदैव आपला मित्र आणि संरक्षक ठरेल.