सर्वांबरोबर ‘शांततेनें राहण्याचा’ व ज्यावाचून कोणालाही प्रभूला पाहता येत नाहीं ते पवित्रीकरण मिळवण्याचा ‘झटून प्रयत्न करा.’. (इब्री 12:14)

एक व्यावहारिक पवित्रता आहे ज्यावाचून आम्हांला प्रभूला पाहता येत नाहीं. अनेक लोक असें जगतात जणू काहीं अशी काहीं गोष्ट नाहीं.

असें तथाकथित ख्रिस्ती आहेत जे असें अपवित्रतेचे जीवन जगतात कीं त्यांच्या कानी येशूचे हे भयानक शब्द पडतील, “मला तुमची कधीच ओळख नव्हती; अहो अनाचार करणार्यांनो, माझ्यापुढून निघून जा.” (मत्तय 7:23). पौल अशा तथाकथित विश्वासणार्यांस म्हणतो, “कारण जर तुम्हीं देहस्वभावाप्रमाणें जगलात तर तुम्हीं मरणार आहात” (रोम 8:13).

तर अशाप्रकारची पवित्रता आहे जिच्यावाचून कोणीही देवाला पाहू शकणार नाहीं. आणि भविष्यातील कृपेत विश्वासानें पवित्रतेसाठीं लढा देण्यास शिकणें हे अत्यंत महत्वाचे आहे.

पवित्रतेचा पाठपुरावा करण्याचा आणखी एक मार्ग आहे ज्याचे परिणाम अप्रिय आहेत आणि तो मार्ग मृत्यूकडें घेऊन जातो. पौल आपल्यांला देवाच्या सामर्थ्य पुरविणाऱ्या कृपेवर विश्वास ठेवण्यावाचून दुसऱ्या कुठल्याही मार्गानें त्याची सेवा करण्याविरुद्ध ताकींद देतो. “माणसांच्या हातून त्याची सेवा घडावी असेंही नाहीं; कारण जीवन, प्राण व सर्वकाहीं तो स्वतः सर्वांना देतो.” (प्रेषितांची कृत्ये 17:25). देवाची सेवा करण्याचा कोणताही असा प्रयत्न जो आमच्यां अंतःकरणाचे प्रतिफळ व आमच्यां सेवेचे सामर्थ्य म्हणून त्याच्यावर अवलंबून राहत नाहीं, तो प्रयत्न एक गरजवंत अन्यधर्मीय देव म्हणून त्याचा अनादर करेल.

पेत्र देवाच्या अशा स्वावलंबी सेवेच्या पर्यायाचे वर्णन करतो, “सेवा करणाऱ्यानें, ती आपण देवानें दिलेंल्या शक्तीनें करत आहोत, अशी करावी; ह्यासाठीं कीं, सर्व गोष्टींत देवाचा गौरव येशू ख्रिस्ताच्या द्वारें व्हावा” (1 पेत्र 4:11). आणि पौल म्हणतो “ख्रिस्तानें माझ्या हातून न घडवलेलें काहीं सांगण्याचे धाडस मी करणार नाहीं” (रोम 15:18; 1 करिंथ 15:10 सुद्धा पहा).

क्षणोक्षणी, देवानें आमच्यांसाठीं ठरवलेलें, “प्रत्येक चांगलें काम” करण्यासाठीं आम्हांला सामर्थ्य पुरविण्याकरिता कृपा प्रगट होते. “सर्व प्रकारची कृपा तुमच्यांवर विपुल होऊ देण्यास देव समर्थ आहे; ह्यासाठीं कीं, तुम्हांला सर्व गोष्टींत सगळा पुरवठा नेंहमी होऊन प्रत्येक चांगल्या कामासाठीं सर्वकाहीं तुमच्यांजवळ विपुल व्हावे” (2 करिंथ 9:8).

चांगल्या कार्यांसाठीं लढा हा भविष्यातील कृपेच्या अभिवचनांवर विश्वास ठेवण्याचा लढा आहे.