“सैतानाची कृत्यें नष्ट करण्यासाठींच देवाचा पुत्र प्रकट झाला.” (1 योहान 3:8)

सैतानाची यंत्रणा एकजुटीने दररोज लक्षावधी पापांचे उत्पादन करतो. तो मोठमोठ्या मालवाहू विमानातून ते बांधून स्वर्गास पोहोचवतो आणि ते परमेश्वरासमोर पसरवतो आणि खूप खूप हसतो, हसतच राहतो.

काही लोक पूर्ण वेळ या यंत्रणेंत कामे करतात. इतर लोकांनी ते काम सोडले आहे आणि फक्त कधी कधी परत येत असतात.

या यंत्रणेंतील कामाचा प्रत्येक क्षण देवाला सैतानाचा हास्य विषय बनवितो. पाप सैतानाचा उद्योग आहे कारण त्याला देवाचा प्रकाश आणि सौंदर्य आणि पावित्र्य आणि गौरवाचा हेवा वाटतो. जेव्हां सृष्ट प्राणी आपल्या कर्त्यावर अविश्वास ठेवतात आणि त्याची आज्ञा मोडतात तेव्हां तो अतिशय प्रसन्न होतो.

म्हणूनच नाताळ हा मनुष्यासाठीं सुवार्ता आहे आणि देवासाठीं सुवार्ता आहे.

“ख्रिस्त येशू पापी लोकांना तारण्यास जगात आला, हे वचन विश्वसनीय व पूर्णपणें स्वीकारण्यास योग्य आहे; त्या पापी लोकांपैकीं मी मुख्य आहे” (1 तीमुथियुस 1:15). ही आमच्यासाठीं सुवार्ता आहे.

“पाप करणारा सैतानाचा आहे; कारण सैतान प्रारंभापासून पाप करत आहे. सैतानाची कृत्ये नष्ट करण्यासाठींच देवाचा पुत्र प्रकट झाला” (1 योहान 3:8). ही देवासाठीं देखील सुवार्ता आहे.

नाताळ हा देवासाठीं सुवार्ता आहे कारण येशू सैतानाच्या या संघ यंत्रणेंवर आघात करण्याचे नेतृत्व करावयास आला आहे. त्यानें थेट या कारखान्यात प्रवेश केला आहे, विश्वासूच्या दृढ ऐक्याची मागणी केली आहे, आणि एका विशाल संपाची सुरूवात केली आहे.

नाताळ हा पापाच्या यंत्रणेंवरला सोडून संपावर जाण्याचे पाचारण आहे. व्यवस्थापकांसोबत कुठलीही वाटाघाट नाहीं. कुठलीही सौदेबाजी नाहीं. फक्त एकचित्ताने, न डळमळता उत्पादनास विरोध करावयाचा आहे. त्याच्या उत्पादनाचा आम्हीं यापुढे भाग बनणार नाहीं.

नाताळाच्या ऐक्याचे ध्येय या मालवाहू विमानांस खाली आणणें आहे. ते बलप्रयोग किंवा हिंसाचार करणार नाहीं, पण सत्यासाठीं अदम्य भक्तीने ते सैतानाच्या उद्योगाच्या जीवननाशक यंत्रणेंचे कारस्थान प्रकाशात आणील.

नाताळाचे ऐक्य तोवर मोडणार नाहीं जोवर संपूर्ण टाळेबंदी साध्य होत नाहीं.

जेव्हां पापाचा नायनाट होईल, तेव्हां देवाचे नीतिमत्व पूर्णपणें प्रकट केलें जाईल. यापुढे कोणीही हसणार नाहीं.

जर या नाताळाला तुम्हीं देवाला कांहीं भेट देऊं इच्छिता, तर पापाच्या या यंत्रणेंबाहेर निघा आणि परत जाऊ नका. प्रीतिच्या संप रांगेत आपलें स्थान ग्रहण करा. जोपर्यंत देवाचे प्रतापी नाव दोषमुक्त होत नाहीं, आणि तो नीतिमानांच्या प्रशंसेत गौरवी असा सिद्ध होत नाहीं तोवर नाताळाच्या ह्या ऐक्यात आवर्जून भाग घ्यां.