परंतु ज्यांचा नाश होईल अशा ‘माघार घेणार्यांपैकीं’ आपण नाहीं; तर जिवाच्या तारणासाठीं ‘विश्वास ठेवणार्यांपैकीं’ आहों. (इब्रीलोकांस 10:39)
प्रेमाची तत्कालीन किंमत काय आहे त्यांकडें पाहूं नका आणि देवानें जीं अढळ अशी श्रेष्ठ अभिवचनें दिलीं त्यांवर विश्वास ठेवण्यापासून माघार घेऊं नका. जर तुम्हीं माघार घेणारें झालांत, तर तुम्हीं केवळ अभिवचनांनाच मुकणार नाहीं तर तुमचा नाशहि होईल.
आपण माघार घेतो कीं विश्वासांत टिकून राहतो हा जीवन-मरणाचा विषय आहे. आपण जें गमावतो तें केवळ असें कांही प्रतिफळ नाहीं जें तारणाबरोंबर अतिरिक्त दिलें जातें. इब्री 10:39 म्हणते, “ज्यांचा नाश होईल अशा ‘माघार घेणार्यांपैकीं’ आपण नाहीं.” हा सर्वकाळासाठीं केला जाणारा शेवटचा न्याय आहे.
म्हणून, आम्हीं एकमेकांना बजावून सांगतो: माघार घेऊं नका. ह्या जगावर प्रीति करूं नका. इतका मोठा धोका नाहीं असा विचारहि करूं नका. आपल्या अंत:करणांत देवाच्या अभिवचनांना पापाच्या अभिवचनांपेक्षा मोठी गोष्ट न मानल्यांस जे भयंकर परिणाम भोगावें लागतील त्याची भीती बाळगा. इब्री लोकांस 3:13-14 म्हणते, “जोपर्यंत “आज” म्हटलेंला वेळ आहे तोपर्यंत तुम्हीं एकमेकांना प्रतिदिवशी बोध करा; हेतू हा कीं, पापाच्या फसवणुकींने तुमच्यातील कोणी ‘कठीण होऊ’ नये. कारण जर आपण आपला आरंभीचा भरवसा शेवटपर्यंत दृढ धरला तरच आपण ख्रिस्ताचे भागीदार झालो आहों.”
परंतु मुख्यतः आपण अभिवचनांचे मोल काय आहे यावर अधिक लक्ष केंद्रित करणें आणि ख्रिस्तानें आपल्यासाठीं विकत घेतलेलें प्रतिफळ किती मोठे आहे त्याचे मोल इतर सर्व गोष्टींपेक्षा अधिक समजणे व एकमेकांना देखील तसा बोध करणें अगत्याचे आहे. इब्री 10:35 काय सांगते हें आपण एकमेकांना सांगितलें पाहिजे: “म्हणून आपलें धैर्य सोडू नका, त्याचे प्रतिफळ मोठे आहे.” आणि मग तें प्रतिफळ किती मोठे आहे हें आपण एकमेकांना दाखवून दिलें पाहिजे.
उपदेशाची प्रमुख विषयवस्तु हींच आहे, आणि मंडळी लहान असों वां मोठी, सर्व प्रकारच्या सेवेचा मुख्य हेतू हांच आहे: ख्रिस्तानें जे विकत घेतलें आहे त्याचे प्रतिफळ किती मोठे हे त्या लोकांना जें त्या प्रतिफळाला जगापेक्षा अधिक महत्त्व देतील, दाखवून देणें. लोकांनी ते पाहावें आणि त्याची चव घ्यावी म्हणून त्यांची मदत करणें, ह्यासाठीं कीं त्यांना जी शांती मिळेल त्याद्वारे आणि त्यांच्या अंतःकरणातून उपकारस्तुतीचा जो यज्ञ सादर केला जाईल त्याद्वारे देवाचे श्रेष्ठत्व प्रकाशमान व्हावें.